Nagreklamo ni Akbayan Rep. Perci Cendaña iti National Bureau of Investigation (NBI) tapno maimbestigaran dagiti online posts mainaig iti pananguyaw iti pisikal a langa ken seksualidad.
Nailasin iti reklamo iti di kumurang tallpulo nga online accounts a maipagarup a nanglabsing kadagiti probision ti Magna Carta of Disabled Persons and Safe Spaces Act kontra pananguyaw ken online harassment.
Kiniddaw ni Cendaña iti NBI nga bigbigenda dagiti adda iti likudan dagiti posts,, imbestigaranda dagiti panaglabsing ken ipreserba ti digital evidence, bayat nga awaganna ti pannakasalaknib dagiti PWD kontra iti online bullying ken diskriminasion.
Sinuportaran ti 1PWD Partylist ken ti National Council on Disability Affairs ti kiddaw kontra iti online mockery kadagiti PWD, ken indagadagda iti publiko nga usarenda a responsable dagiti digital spaces.
