Maysa a cellphone ti natakaw manipud iti convenient store iti Barangay 1, Vigan City, Ilocos Sur.
Ti biktima ket babai nga agtawen iti tallopulo ket innem, staff clerk, agnaed iti Barangay Bongtolan.
Ti met suspek ket maysa a lalaki a nakasuot iti black Tshirt ken gray jacket.
Iti pannaki-uman ti Bombo Radyo Vigan ken ni PLTCOL. Reynaldo Reynaldo Mendoza Jr., nagturong ti biktima iti Vigan City Police Station tapno ireport a maysa a lalaki ti nangitaray ti cellphone na nga aggatad iti P10,000.
Segun iti biktima, nabatina ti cellphone iti rabaw ti refrigerator sa napan iti counter.
Simrek met ti suspek iti establisimiento ket sinaludsodna no mabalin ti agbayad iti koriente ngem simmungbat ti biktima a padasenna ti sabali nga establisimiento.
Idi saanen a kitkitaen ti biktima ti suspek, isu met ti gundaway a panangalana ti cellphone sa rimmuar iti establisimiento.
Idi maduktalan ti biktima a mapukpukaw ti cellphone-na, kinitana nga insigida ti CCTV ket natakuatanna a naglibas ti suspek babaen iti motorsiklo.
