Nagpanawagan ti Catholic Bishops’ Conference of the Philippines (CBCP) iti gobierno a papigsaen ti pannakaipatungpal dagiti polisiya kontra iti human trafficking.
Dayta ket kagiddan ti panagrambak iti National Day of Prayer and Awareness Against Human Trafficking.
Segun ken ni CBCP Episcopal Commission for the Pastoral Care of Migrant and Itinerant People Chairman Bishops Socrates Mesiona, rumbeng nga unaen ti gobierno iti panangsalaknib iti dignidad ti tao iti panagaramid kadagiti pagannurotan.
Impaganetgetna nga adu pay a Pilipino iti maallukoy kadagiti peke a kari iti trabaho ken oportunidad gapu iti kinarigat, kinaawan ti pagtaengan, limitado nga edukasyon, riribok, didigra ken madi a panagaramat ti digital platforms a nangpakaru iti kinakapsotda.
