--Ads--
Pinaglibakan ni Sen.Alan Peter Cayetano ti mapapati a panagkiddawna iti “ceasefire” ken ni Sen. Ping Lacson iti baet ti panagririda mainaig kadagiti mapapati a “ghost projects” idiay Taguig City.
Daytoy ket kas sungbat iti social media post ni Lacson a kunana nga adda senador a nalimed nga agkidkiddaw iti truce wenno pannakaisardeng ti riribuk.
Segun ken ni Cayetano, sumagmamano laeng a senador ti nangiyebkas iti pakaseknanda a ti ririda ket mabalin a mangdadael iti imahe ti Senado ken mangiyadayo kadagiti napatpateg nga isyu.
Impaganetgetna a saanna a kiniddaw ken ni Lacson a maisardeng ti saanda a pagkinnaawatan.
-- ADVERTISEMENT --
