VIGAN CITY – Mapatta-patta nga uppat a ribo lima gasut a pasahero ti nakalugan iti simmanglad a Caribbean Cruise Ship itatta nga aldaw idiay Salomague Port, Cabugao.
Nakasagana dagiti otoridad a mangkita iti seguridad dagiti pasahero nga umay agpasyar ditoy probinsiya nga aglugan ti lima pulo ket lima a bus a kas pinasingkedan ni Police Captain Ramil Llarenas, hepe ti Cabugao municipal police station.
Malaksid iti syudad ti Vigan, agpasyar to pay dagiti turista a nakalugan iti nasao a cruise ship kadagiti sabali a pagpasyaran idiay Ilocos Norte, nangruna idiay Laoag City.
Caribbean Spectrum of the Sea cruise ship
Ti nasao a cruise ship ket siyam ti deck na a kaaduan iti naglugan ket Chinese national.
Apagbiit laeng iti kaadda dagiti turista a naglugan iti nasao a cruise ship ditoy probinsiya agsipud ta agingga da laeng ti alas kwatro iti malem.
