Nagresponde ti Candon City Police Station babaen iti pannakaitawagna iti 911 iti komosyon a napasamak idiay Barangay San Isidro, Candon City, Ilocos Sur.
Ti suspek ket agtawen iti duapulo ket walo, taga-Barangay Calongbuyan, Candon City.
Ti met biktima ket agtawen iti duapulo ket walo, OFW, taga-Barangay Paras iti nasao a siudad.
Iti pannaki-uman ti Bombo Radyo Vigan ken ni PLT. Jovelyn Antalan, nagiinom ti suspek ken dagiti ka-batch-na idin ta bigla a nagprobokar.
Gapu dayta, nagdesisyon dagiti agkaka-batch a panawan ti suspek tapno mapanda iti maysa a convience store nga isu ti pangituloyanda nga agiinom.
Kalpasan ti sumagmamano a minutos, simmurot ti suspek kadakuada ket intuloyna ti nagprobokar ken adda pay maysa nga agpalpalama ti pinagtripanna.
Gapu dayta, rimuar dagiti kadua ti suspek tapno anawaen ti panangdangranna iti agpalpalama, ket iti dayta a gundaway, sinipat ti biktima ti suspek ngem bimmales daytoy babaen iti panangpungot ken panangilugesna iti glass panel ti convenience store.
Agpada a naipan iti Candon City Hospital para iti medical examination.
