--Ads--
Inpakaammo ni Canadian Prime Minister Justin Trudeau nga agikkat isuna kas lider ti ruling Liberals kalpasan ti siam a tawen iti opisinana ngem agtalinaed iti puestona agingga a mangpili ti partido iti kasukatna.
Posible a maangay ti eleksion sakbay ni May ken agbalin pay laeng a Prime ministers ni Trudeau inton agtakem ti US President-elect Donald Trump a nangpangta kadagiti taripa a makaapektar iti ekonomia ti Canada inton Enero 20.
Ni Trudeau, ket nagtugaw idi Nobiembre 2015 ken namindua a nangabak iti reelection, a nagbalin a maysa kadagiti kapautan a nagserbi kas prime minister ti Canada.
Ngem nangrugi a bimmaba ti kinalatakna dua a tawenen ti napalabas iti tengnga ti pungtot ti publiko gapu iti nangato a presio ken housing shortage.
-- ADVERTISEMENT --
