Pinasingkedan ti Department of Budget and Management (DBM) a mabalin nga usaren ti paset ti P39.8-billion calamity fund iti salinong ti 2026 national budget tapno mangted ti fuel subsidy kadagiti apektado a sektor iti tengnga ti ngumatngato a presio ti produkto petrolyo gapu iti tension idiay Middle East.
Dinakamat ni DBM Undersecretary Janet Abuel ti maysa nga special provision iti 2026 General Appropriations Act (GAA) a nagilatang ti P23.4 billion para iti National Disaster Risk Reduction and Management (NDRRM) Program.
Ti pondo ket mabalin nga aramaten para iti reconstruction, rehabilitation, tulong ken dadduma pay a trabaho ken serbisio pakairamanan ti pre-disaster activities, adda pakainaiganna iti natural wenno human-induce calamities ken dadduma pay a subject iti panag-apruba ti presidente.
Impresentar ni Abuel ti singasing bayat a kitkitaen dagiti sabali nga opisial ti sabali nga addang tapno tulongan ti pagilian a mapalag-an ti epekto iti ekonomiya ti tension idiay Middle East.
