--Ads--
VIGAN CITY – Nangiruar manen ti Notice to Airmen ti Civil Aviation Authority of the Philippines para ti limitasyon dagiti flight iti asideg ti Taal Volcano nga adda vertical limit a 10,000 feet manipod iti tuktok ti bulkan.
Ti kabaroan a NOTAM ket epektibo manipod itay bigat iti 8:39AM agingga inton bigat Hunyo 11, 2024 iti alas nuebe iti bigat.
Segun ti CAAP, ti bulkang taal ket naka-alert level 1 wenno Low-Level Unrest.
Nabalakadan dagiti flight operator a liklikan ti tumayab iti asideg ti bulkan gapu ti pegad ti stream-driven wenno phreatic eruptions a posible nga agresulta ti kinapeggad ti lugan a para ti tangatang.
-- ADVERTISEMENT --
