--Ads--
VIGAN CITY – Nakemmeg ti naiwayat a buy bust operation ti maysa a lalaki a maibilang a street level individual idiay Brgy. San Jose, Candon City.
Nabigbig ti suspek a ni Ely Gabong agtawen tallo pulo ket siam agnaed ti Brgy. Imus, Santiago ken karaman iti listaan ti Santiago PNP a street level individual.
Basar ti report manipod Candon City Police Station, insayangkatda ti buy bust operation kontra ti suspek ket naala manipod kenkuana ti maysa a sachet iti maatap a shabu ken buy bust a lima gasut a pisos.
Ginandat ni Gabong nga aglibas ngem kinamat dagiti otoridad ket nakemmegda idiay Brgy. Bagani Campo iti nasao a siudad.
-- ADVERTISEMENT --
Maisagsaganan ti kaso a panaglabsing ti Republc Act 9165 wenno Comprehensive Dangerous Drugs Act of 2002.
