Pinasingkedan ti Bureau of Immigration nga awan ti ebidensya a karaman dagiti kamengda iti illegal exit ni Alice Guo.
Dayta ket sarita ni Immigration Commissioner Joel Anthony Viado bayat ti Senate Committee on Justice and Human Rights Investigation mainaig iti panaglibas ni Guo.
Iti panagdenggeg ket kinumpirmaan ti National Intelligence Coordinating Agency a ti maysa kadagiti wagas ti panaglibas ni Guo ket babaen ti backdoor iti amianan a paset iti pagilian.
Segun ken ni Viado, saan a mabantayan ti BI dagiti pribado a kabaybayan ken airstrips isu a madanaganda iti posibilidad nga abusoen dagiti pasaway iti pagpatinggaan iti pagilian.
Malaksid kadagiti wanted personalities ket impakaammo ti BI ti backdoor exits dagiti biktima iti trafficking a nagresulta iti torture a panagtrabaho kadagiti scam hub iti sabali a pagilian.
