--Ads--
Pinasingkedan ni Vice President Sara Duterte a dagiti isyu mainaig iti budget allocation iti Department of Education (DepEd) ket maysa kadagiti rason ti panagikkatna iti Gabinete ni Presidente Ferdinand Marcos Jr.
Segun ken ni Duterte a nupay saan a nakasagana a mangilawlawag iti pudno a rason ti panagikkatna kas education secretary, patienna a saan a nasayaat ti pannakamanehar ti 2024 General Appropriations Act.
Innayonna pay nga iti relasionda iti Presidente ket saandan nga agkitkita ken agsarsarita.
Ni Duterte ti running mate ni Marcos iti “UniTeam” a nagballigi iti eleksion idi 2022.
-- ADVERTISEMENT --
