Nangisayangkat ti Bureau of Corrections (BuCor) iti pananglaglagip kadagiti persons deprived of liberty (PDLs) a pimmusay iti uneg ti prison facilities ken agtaltalinaed nga awan pay ti pamilya a nang-claim ti bangkay na.
Segun iti BuCor, karaman ditoy ti nationwide mass ti amin a pasilidad ti BuCor bayat ti All Souls’ Day idi, Nobiembre 2.
Karaman kadagiti linagipda ket dagiti PDL a natay kabayatan ti kangitingitan ti COVID-19 pandemic, nga addaan iti 384 a PDL a naitabon manipud idi Oktubre 2022, idi nagtugaw ni director general Gregorio Catapang Jr. ti puesto.
Nagtitipon ti grupo a Families of Victims of Involuntary Disappearance (FIND) iti Bantayog ng mga Bayani idiay Quezon City, tapno lagipen dagiti desaparecidos wenno dagidiay biktima ti enforced disappearances.
