BSP, nangiruar iti baro a patakaran iti electronic fund transfer

Nangiruar ti Bangko Sentral ng Pilipinas iti baro a patakaran iti electronic fund transfers kas ti InstaPay ken PESONet.

Segun iti BSP, kasapulan nga ilawlawag ken paneknekan dagiti bangko ken financial institutions ti rason ken nagibasaranda kadagiti transfer fees.

Maipalubos ti panagpangato ti mabayadan, ngem nasken a nainkalintegan, nakabase iti aktwal a gastos, ken imonitor ti BSP.

Saan pay nasken a dakkel ti diperensia ti bayad iti transfer iti sabali a bangko no ikumpara iti transfer iti uneg ti isu met laeng a bangko.

Masapul pay a ti receiver ket ti buo a gatad ti naipatulod a kuarta ti maawatna ta nasken nga awan ti maikaltas.