Manamnama nga agtultuloy ti Bangko Sentral ng Pilipinas (BSP) ti panagbaba ti interest rate agingga 2026 gapu iti kimmapsot a panagregta ti ekonomia ken nababa nga inflation kas maibasar ti BMI a research unit iti Fitch Solutions.
Iti patta ti BMI, mabalin nga ibaba ti BSP ti policy rate-da iti 4.5% sakbay a malpas iti 2025 kalpasan iti uppat a nagsasaruno a panagkissay ti rate ita a tawen pakairamanan ti naudi a panagbabana idi October 9 iti 4.75%.
Kabaelan ti BSP a mangipatungpal ti nalulukay a polisiya ta agtultuloy iti panagbaba ti inflation ta immabot idi September ti 1.7% a panagngina iti magatang ken serbisyo, maika-pito a bulan a nababbaba iti target-da a dua agingga uppat a porsiento.
No man pay mangnamnama iti ahensya iti 1.6% average inflation para ita a tawen ket posible a ngumato pay iti 3.5% inton 2026 gapu iti epekto ti panagngina ti kuryente ken taripa iti bagas ngem sumrek latta iti target range iti BSP.
