Nakaituding nga ingetan ti Bangko Sentral ng Pilipinas (BSP) dagiti pagannurotan iti panagbalin a kualipikado ken naurnos a panangidaulo dagiti director ken opisial dagiti bangko.
Iti salinong ti draft circular, tinawen nga adalen dagiti financial institution no agtalinaed a rumbeng, addaan ti integridad, umdas ti kabaelan ken naannad iti akem dagiti director ken opisial a sakup iti BSP confirmation.
Masapul pay nga ipakaammo iti BSP iti uneg laeng iti lima a banking days no adda impormasion a posible a seryoso a makaapektar iti fitness ken propriety iti maysa nga opisial.
Para kadagiti universal, commercial ken digital banks, kasapulan nga ipasa ti BSP dagiti dokumento a mangpaneknek iti kualipikasion dagiti posible nga agbalin a director ken opisyal iti tallo a bulan sakbay iti eleksion wenno appointment-da.
