Inamin ni dati a Bulacan 1st assistant district engineer Brice Hernandez a “substandard” amin a proyekto ti Department of Public Works and Highways (DPWH) iti engineering office ti Bulacan a pakairamanan dagiti flood control projects.
Pinasingkedan ni Hernandez nga amin nga infrastructure projects iti opisinada manipud idi 2019 agingga tatta a tawen ket saan a nasurot iti “required standards” gapu kadagiti obligasion-da kadagiti proponent ti proyekto.
Impaganetget ti dati nga engineer ti DPWH a karaman kadagiti proyekto nga substandard ket flood control structures, pasdek, kalsada, ken pagadalan.
Innayon ni Hernandez a nangrugi iti amin a substandard a proyekto idi simmangpet ni dati a Bulacan first district engineer Henry Alcantara idi 2019. – Reynand Fontejon
