Natiliwan ti Santiago Cockpit Arena ti maysa a suspek a mangtukkol iti saka ken payyak dagiti manok a pangtadi.
Iti pannaki-uman ti Bombo Radyo Vigan ti Cockpit Operators Group a ni Martel Quitoriano, grupo iti mangisaysayangkat iti makunkuna a “PITAS MANOK”, ken nationwide iti operation-da.
No mabaybay-an dagiti manok ken awan iti mangbanbantay ket isu iti gundaway nga isayangkatda iti madi nga aramidda a Pitas Manok a gapuanan a saan a makalaban ti manok a pangtadi.
Ti suspek a natiliwan ket taga-Dasmarinas Cavite, ken duapulo ket pito nga ububraenda iti illegal nga aramiddda.
Immunan a ginandatda iti illegal nga aramidda idiay Sto. Dominggo ngem saanda nga intuloy ta adda mangsipsiput kadakuada.
Gapu dayta nagpalagip ni Quitoriano nga agserbi kuma a warning ken adal kadagiti operators, ken players ti nasao a pasamak tapno agbalinda a naridam.
Kabayatanna, dimmawat met iti pammakawan ti suspek a ni Roel Gimba, taga-Dasmarinas Cavite ken inaklunna iti aramidna.
Inkarina pay a pumanawdan ditoy probinsiya.