--Ads--
VIGAN CITY – Pimmusay ti bouncer ti Option Disco Club ta pinaltogan ti maysa a lalaki nga inanawana kabayatan iti trabahona.
Nabigbig ti biktima a ni Kevin Villanueva agnaed ti Brgy. Pudoc, San Vicente ken ti suspek a ni Jerry Burgos agnaed ti Brgy. Capangdanan, Bantay.
Basar ti pakpakauna nga imbestigasyon ti San Vicente Municipal Police Station, sakbay a napasamak ti pammaltog ket inanawa ti bouncer ti suspek a mapapati a kariririna ti asawana iti uneg ti Option Disco Club.
Rimmuar ti suspek ket innalana ti paltog na a Caliber 380 ket pinaltoganna ti biktima.
-- ADVERTISEMENT --
Ti agdama agtultuloy ti naununeg nga imbestigasyon ti kapulisan inaig iti nasao a pasamak.
