Impatangken ni 1Sambayan spokesperson Atty. Howard Calleja a no agbalin nga state witness ni dati a Department of Public Works and Highways (DPWH) Sec. Manuel Bonoan iti flood control scandal ket rumbeng nga ibutaktakna iti amin a karaman iti korapsyon.
Kinunana a rumbeng pay nga agbalin a nalawa ken adda kaes-eskan ti testimonyana.
Inlawlawag ni Atty. Callega a rumbeng a sakup ti testimonya ni Bonoan dagiti nagan ti amin nga opisyal, agpampanday linteg, contractor ken dadduma pay a posible a karaman iti naibutaktak a kickback scheme iti flood control ken dadduma pay a public infrastructure projects.
Gapu ta nabayagen iti serisyo ni Bonoan ken nagserbi iti agduduma nga administrasyon, saan laeng a rumbeng a limitado ti agdama nga administrasyon ti ibutaktakna kas state witnewss.
Masapul nga ipakaammo ti Philippine government ti testimonya ni Bonoan tapno makita dagiti umili no siasino dagiti dakkel a nagan a posible a mairaman ti flood control issue ken saan a mailemlemmeng iti publiko.
