Nangiserrek ti not guilty plea ni dati a Department of Public Works and Highways Manuel Bonoan iti graft case iti panagdengngeg iti Sandiganbayan 2nd Division.
Adda pakainaigan ti kaso iti maipagarup a pannakikontsabos na ni Bonoan ken Sen. Jinggoy Estrada tapno iraman iti 2025 national budget dagiti flood control project idiay Bulacan, no sadino maibagbaga a maipagarup a nakaawat ti senador ti P213.7 milyon kickback.
Iti arraignment, impakaammo ti abogado ni Bonoan a ni Stephanie Ong iti korte nga isuko da ti karbengan ti dati a DPWH chief a basaan ti pormal nga arraignment.
Sakbay daytoy, nakaruar ni Bonoan manipud iti hospital arrest iti Philippine National Police General Hospital kalpasan a naikkat isuna kas akusado iti sabali pay a graft ken plunder case a madengdengngeg iti Sandiganbayan Fifth Division.
