VIGAN CITY – Kayatmi ti dumawat ti dispensa iti sibubukel a kapulisan ti probinsia ti Abra babaen ti panangidaulo ni PCOL Christopher Acop ken iti Probinsia ti Abra babaen ti panangidaulo ni Gov. Joy Bernos gappuanan daytoy ti naisurat iti website ti Bombo Radyo Vigan iti kallabes maipanggep ti rape cases iti probinsia.
Linaon ti naipadamag nga immadu ti kaso ti panagrames ken domestic violence ita a quarantine period.
Aklonek nga adda nagbiddotak ta diak a naaramid nga idasig ti kaso idi napalabas a tawen ken iti agdama, ngem ketdi ad-adda a nagsentro ti artikulo ita a tiempo ti COVID-19.
No ibasar iti rekord ti Abra PPO, nababbaba nga amang ti kaso ita a period no yarig idi napan a tawen( March-July) nga umabot ti 25 % iti bimmabaanna gapu ti nainget nga anti criminality campaign.
Ania man ti inpaayna nga pannakatikaw ket sipakumbabaak a dumawat ti dispensa iti aniaman a nagkamaliak.
Ti Bombo Radyo Vigan ket kakibin a kanayon ti kapulisan iti amin a programa ken ti panangiwaragawag ti amin a pakaseknan ti tumunggal maysa para iti pannakapatalinaed ti linak ken talna.
