--Ads--
Pinasingkedan ni Supreme Court Spokesperson Atty. Camille Ting a drill laeng iti napasamak a bomb threat iti Korte Suprema.
Dayta ket kalpasan a naparuar dagiti kameng ti Supreme Court iti alas dos kwarentay singko iti malem.
Segun ken ni Atty. Ting, inaprubaran ti Supreme Court en banc ti fire ken bomb threat evacuation drill ken naigiddan dayta a naisayangkat iti Court of Appeals.
Naiyakar dagiti kameng ken naipan pay laeng iti Paco Park bayat a naipasarra iti Padre Faura nga isu ti panagsangpet dagiti bomb squad, Philippine Coast Guard ken dagiti SWAT.
-- ADVERTISEMENT --
Napasubli met laeng dagiti empleado iti Supreme Court iti alas tres kinse iti malem ken nalukatan nga insigida iti kalsada para kadagiti motorista.
