--Ads--
Pinasingkedan ni Palace Press Officer Usec. Claire Castro a maipakita ni Vice President Sara Duterte ti kabaelanna a mangsungbat kadagiti pammabasul ken sangwen dagiti testigo no personal a dumar-ay iti impeachment trial iti Senado.
Segun ken ni Castro, gundaway pay daytoy tapno mapaneknekan ti kampo ti bise presidente ti panagbalinna nga inosente, no isu ti takderda.
Kinuna ni Castro a nasaysayaat no maipakita daytoy saan laeng a kadagiti Pilipino no di ket iti intero a lubong.
Immunan a binilin ti Senado ni VP Duterte a personal a sumango wenno babaen iti abogadona iti panaglukat ti impeachment trial inton bigat, Hulyo 6.
-- ADVERTISEMENT --
Manamnama a matratar iti trial dagiti nadumaduma nga articles of impeachment a naipila kontra kenkuana.
