Napadayawan ni Bureau of Customs (BOC) Commissioner Ariel Nepomuceno kas Asia’s Outstanding Leader for Customs Modernization and Public Service iti napasamak nga Asia’s Golden Icon Awards, kas panangbigbig ti panangidaulona iti panangiduron ti reporma, transparency ken modernisasion iti ahensia.
Naited ti pammadayaw iti sangwanan dagiti mangibagi manipod iti gobierno, pribado a sektor, ken civil society kas panangbigbig iti nagbalin a kontribusyon ni Nepomuceno iti panangpasayaat ti serbisyo publiko, panangpapigsa ti institusyon, panangpadaras iti lehitimo a trade ken panangpatibker iti seguridad kadagiti pagilian.
Manipod nagtugaw kas Customs commissioner idi Hulyo 2025, indauluan ni Nepomuceno iti agduduma a reporma pakairamanan ti digitalization dagiti proseso, panangpapigsa ti customs transactions, panangpapigsa ti border protection ken enforcement operations ken panangpatibker iti integridad iti uneg ti Bureau of Customs.
Iti salinong ti lideratona, nagtultuloy ti nangato a koleksion ti ahensia bayat a maidurduron ti transparency, accountability, ken panangpadaras iti panagnegosyo.
Iti acceptance speech-na, Insagut ni Nepomuceno ti naawatna a pammadayaw iti amin nga opisyal ken kameng ti Bureau of Customs.
