Naka-blue alert status iti Ilocos Sur kagiddan ti panagrambak iti Holy Week.
Iti pannaki-uman ti Bombo Radyo Vigan ken ni PDRRMO Officer Rhon Arquelada, manipod pay March 28 ket naibayogen iti blue alert status a dati a naka-white alert status.
Segun ken ni Arquelada, ti kayat a sawen ti blue alert status ket naiyetnag iti monitoring ken coordinations iti agduduma nga ahensya iti gobierno pakairamanan ti PNP, BFP, PCG, Philippine Army, City and Municipal DRRMOs.
Malaksid iti monitoring ket na-activate pay iti dadduma nga stations-da iti 1st ken 2nd district para iti augmentation.
Sisasagana pay dagiti land-based ken water-based equipment para iti emergencies ta naideployen.
Nabilin dagiti otoridad a bantayan a nalaing dagiti umili a mapan iti kaaddoan iti tao nangruna iti simbaan iti Huebes ken Biernes Santo, ken iti kabaybayan inton Sabado.
