Inpakanselar ni Senate President pro-tempore Jinggoy Estrada ti birth certificate ni Cassandra Li Ong, pannakabagi ti POGO Company Lucky South 99 idiay Porac, Pampanga.
Kas iti birth certificate ni dismissed Bamban, Tarlac Mayor Alice Guo, kinuna ni Estrada a mapagduaduaan met ti birth certificate ni Ong gapu ta awan iti San Juan ti address a naideklara iti birth certificate-na a 347 P. Mendoza Street.
Malaksid dayta, awan ti makaam-ammo iti midwife a Rosario Mendez ti naganna iti birth certificate ni Ong.
Naladaw met ti pannakairehistro ti pannakayanak ni Ong ken dakkel a saludsod ta naipasngay idi Mayo 23, 2000 ngem nairehistro ti birth certificate-na idi Mayo 16, 2001 iti lokal a civil registry ti San Juan.
Innayon pay ni Estrada nga awan ti rekord iti birth certificate ti marriage dagiti nagannak ni Ong.
