Impablaak ti Bureau of Internal Revenue (BIR) ti Revenue Memorandum Circular (RMC) No. 47-2026 a mangikeddeng ti baro a pagannurotan tapno aramiden a simple ti proseso ti panagrikep ti negosio ken panangkanselar ti tax registration.
Daytoy ket paset ti panangipatungpal ti Republic Act No. 11976 wenno Ease of Paying Taxes Act.
Segun ken ni BIR Commissioner Charlito Martin R. Mendoza, ti reporma ket panangsurot iti direktiba ni Presidente Ferdinand Marcos Jr. nga aramiden a napaspas ken nasaysayaat ti serbisio ti gobierno ken iti panawagan ni Finance Secretary Frederick D. Go nga aramiden nga investor-friendly ken business-friendly ti tax administration.
Iti baro a guidelines, mabalin nga agipasa ti aplikasion para iti closure wenno cancellation of registration dagiti negosio a nagsardeng iti operasion, aniaman iti manual wenno electronic filing iti Revenue District Office a nakarehistroan da. Reynand Fontejon
