Nangiruar ti Bureau of Internal Revenue iti salinong ti panangidaulo ni Commissioner Charlito Martin R. Mendoza ti baro a BIR Audit Program tapno papigsaen ti risk-based audits ken accountability iti intero a pagilian.
Basar iti Revenue Memorandum Order (RMO) No. 22-2026 a napermaan idi Agosto 24, 2026, pinag-maysa ti ahensia dagiti napalabas a programa tapno maaddaan ti maymaysa a pagannurotan ken pagibasaran iti panangsukisok ti buwis.
Iti salinong ti baro a sistema, napapigsa ti Single-Instance Audit Framework no sadino malimitaran ti maysa nga electronic Letter of Authority laeng ti panangkita iti maysa a taxpayer tunggal taxable year.
Agaramat pay ti BIR dagiti automated ken anonymized a proseso iti panangpili dagiti priority case iti risk-based data tapno maliklikan ti personal a direksion dagiti opisial.
