Nangipila ti kaso a kriminal ti Bureau of Internal Revenue iti Department of Justice kontra iti Sunwest, Inc. kasta pay dagiti opisial na a da President Aderma Angelie Descarga Alcazar ken Treasurer Cesar Zacarias Buenaventura.
Daytoy ket adda pakainaigan na iti maipagarup a P22.71 bilyon a kinakurang iti buwis manipud 2019 agingga 2014.
Ti kompania ket maipagarup a dati a kukua ni dati nga Ako Bicol Partylist Representative Zaldy Co.
Basar iti imbestigasion ti BIR, naigagara nga under-declaration ti kita, madi a panag-claim dagiti gastos ken magatang, ken panagaramat ti saan a suportado a creditable withholding tax (CWT) credits ti inaramid ti kompania iti Income Tax Returns-da.
Gapu daytoy, nakitaan ti naan-anay nga ebidensia wenno pagibasaran ti ahensia tapno kasoan ti Sunwest ken dagiti opisial na daytoy iti salinong ni Sections 254 ken 255 ti National Internal Revenue Code (NIRC).
Ti kaso ket adda pakainaiganna iti direktiba ni Presidente Ferdinand Marcos Jr. nga imbestigaran dagiti irregularidad iti flood control projects.
