Umaboten iti nasurok tallo ribo ti natay iti napigsa a gingined idiay Myanmar idinto a ginasut ti mapukpukaw.
Maipalagip nga idi napan a Biernes ket magnitude 7.7 a gingined ti nangdayyeg iti nasao a pagilian, a nakaapektaran ti duapulo ket walo milion a pagtaengan ken pasdek.
Ngimmato iti 3,003 dagiti natay, 4,515 dagiti nadunor ken 351 ti mapukpukaw kagiddan ti panangsapul dagiti rescuer kadagiti posible pay a biktima.
Rimmigat ti sitwasyon iti panagrescue gapu iti tudo kadagiti lugar a nakaro nga inapektaran ti didigra kas ti Mandalay, Sagaing ken Naypyidaw.
53 airlifts ti tulong ti naipatulod idiay Myanmar, 1,900 ti rescue workers a naggapu kadagiti sangapulo ket lima a pagilian agraman ti Southeast Asian neighbors, China, India ken Russia.
