Pinasingkedan ti Commission on Elections nga adda ti 43, 033 nga aspirant para iti national ken local post ti nagipila iti certificates of candidacy ken certificates of nomination – certificate of acceptance of nomination iti panawen ti filing period manipud October 1-8, 2024.
Segun ken ni Comelec Chairperson George Garcia, 33,652 wenno 78.20 percent dagiti aspirant iti 2025 midterm polls ket lallaki idinto a 9,381 wenno 21 percent ket babbai.
183 ti nagipila iti COC na iti senado, nangatngato ngem iti 153 a nagipila iti 2019 midterm elections idi 2019 ken 176 idi 2022.
190 met ti nagipila iti CON-CAN nga impasa dagiti partylist group.
Kabayatanna, 160 a partylist group ti nagipila iti manifestation of intent to participate, 155 ti nagipasa iti CON-CANs na isu nga addanto laeng 155 Partylist a mairaman iti opisial a balota.
