--Ads--
Umaboten iti 9,720,352 nga indibidual wenno 2,661,857 a pamilia ti naapektaran iti naglabas a habagat ken dagiti bayo Crising, Dante, ken Emong, kas pinasingkedan ti National Disaster Risk Reduction and Management Council.
Manipud iti nasao a bilang, 7,479 a pamilia wenno 28,500 nga agindeg ti nagyan kadagiti evacuation idinto a 265 nga evacuees ken 11,957 a pamilia wenno 40,597 a tattao ti nagyan iti ruar ti evacuation center.
Agtaltalinaed iti tallopulo ket pito ti bilang dagiti natay a ti lima ket validated idinto a ti tallopulo ket dua ket dumalan pay laeng iti validation.
Tallopulo ket dua ti nadunor -duapulo ket uppat ti validated ken walo ti ma-validate-to pay laeng.
-- ADVERTISEMENT --
