Nagballaag ni Senador Win Gatchalian a mabalin pay nga umado ti bilang dagiti college dropout gapu iti panagbaba ti maitited kadagiti benepisiario ti Tertiary Education Subsidy (TES).
Nupay 79.2% kadagiti TES grantees ti nagleppas iti panagadalda, mabuteng ni Gatchalian a mabalin a bumassit daytoy a bilang gapu iti panagbaba ti gatad dagiti TES grants.
Iti napalabas a deliberasion maipapan iti funding proposal ti Commission on Higher Education (CHED), inyunay-unay ni Gatchalian iti Komision nga adalenda iti gatad a maipaay kadagiti benepisiario ti TES tapno masigurado a makompletoda ti panagadalda.
Inyunay-unay ni Gatchalian nga us-usaren dagiti benipisyaryo ti TES iti naawatda a gatad tapno mausarda iti panagadalna.
Inlawlawag ti CHED a nupay adda 200,000 a slot para kadagiti TES grantees iti kada tawen, nakaawat ti Komision idi 2021 ken 2023 iti 1.6 a milion nga aplikasion para iti TES grants.
Gapu iti daytoy, nagdesisyon ti Unified Student Financial Assistance System for Tertiary Education Board nga ibaba ti gatad ti grant tapno umadu ti bilang dagiti benepisiario.
