Patien ti Bureau of Immigration (BI) a nagbackdoor exit ni former Presidential Spokesperson Harry Roque idiay Tawi-Tawi tapno makaruar ti pagilian.
Babaen ti naangay a panagdengeg ti Senate Subcommittee on Justice and Human Rights, nakumpirmaran nga adda iti nakakita ti former presidential spokesperson idiay Tawi-Tawi idi September 2, 2024 ket kalpasan ti dua nga aldaw ket nakadanonen idiay United Arab Emirates.
Segun ken ni Bureau of Immigration Commissioner Joel Viado, gapu ta awan ti recorded departure ni Atty. Roque ket possible a nagna iti naglibasan ni Alice Guo.
Patien ni Viado nga idiay Tawi-Tawi iti kangrunaan a pagserkan ken paglibasanda ta asideg iti Malaysia ket posible nga isu ti nagnaan ni Guo tapno makadanon idiay Malaysia, Singapore ken Indonesia.
Maipalagip met a naglibas ti pugante a Korean national a ni Na Ikhyeon a tinulungan ti tallo a mangmangged ti Bureau of Immigration idi March 14 agingga nakemmeg idiay Pampanga.
–Nesami Ryce Dela Cruz
