--Ads--
Nakasagana ti Bureau of Immigration iti manamnama a panagadu dagiti biahero ita nga Undas.
Segun ken ni BI Commissioner Joel Anthony Viado, manamnama a ngumato ti bilang iti international travel ta mapatta-patta nga umabot iti 43,000 agingga 48,000 dagiti pasahero manipud ita nga aldaw idinto nga iti inaldaw nga arrival ket mapatta-patta nga umabot iti 41,000 agingga 47,000.
Nakasagana ti BI para iti peak season babaen iti pannakaideploy dagiti limapulo ket walo nga immigration officers.
Iti panawen ti peak season, saan a mapalubosan nga agleave dagiti frontline officer tapno masigurado ti full deployment capacity.
-- ADVERTISEMENT --
