--Ads--
Pinasingkedan ti Bureau of Immigration nga adda pay laeng iti pagilian ti negosiante a ni Atong Ang a mapapati a mastermind iti kaso dagiti mapukpukaw a sabungero.
Segun ken ni BI Spokesperson Dana Sandoval, maibasar iti recordda, saan a rimmuar ni Ang sipud Rimsua ti kaso.
Nasaludsod pay no posible a naglibas ni Ang babaen iti pribado a yate wenno eroplano, ngem inlawlawag ti BI a dumalan latta iti immigration inspection dagiti pribado a lugan a para tangatang ken kasapulan iti clearance manipud iti nadumaduma a pagilian.
Kabayatanna, pinasingkedan ti BI nga agtalinaed iti abroad ni dati nga Ako Bicol Partylist Rep. Zaldy Co ken agtultuloy nga imonitor dagiti otoridad ti ayanna.
-- ADVERTISEMENT --
