--Ads--
Mangipatungpal iti full alert ti Bureau of Fire Protection manipud December 23 agingga Enero 1 tapno masigurado ti kinatalged ti publiko iti panangrambakda iti Paskua ken Baro a Tawen.
Nasurok 31,000 a bumbero ti maideploy iti intero a pagilian iti salinong ti kampania nga “Oplan Paalala-Iwas Paputok” tapno maksayan ti peggad iti uram ken sumayaat ti emergency response.
Mangisayangkat ti BFP iti inspeksion kadagiti pampubliko a lugar, pre-fire planning, community information drive, ken emergency medical services.
Binallaaganda ti publiko nga agannad kadagiti gagangay a rason ti uram kas ti electrical short circuit, overloading, uram iti kusina, ken paputok.
-- ADVERTISEMENT --
