--Ads--
Itultuloy ti Bureau of Fisheries and Aquatic Resources iti salinong ti Department of Agriculture ti panangipaay iti fuel subsidy kadagiti mangngalap tapno matulongan ida iti nangina a presio ti langis.
Adda nailatang a nayon a P50-M iti pannakitinnulongda iti Development Bank of the Philippines a manamnama a maganar ti nasurok-kumurang 15,000 a mangngalap.
Iti salinong ti programa, umawat dagiti benepisyaryo iti one-time P3,000 nga ayuda, ken nasurok 10,000 ti naikkan.
Gagemna daytoy a mapagtalinaed ti pagsapulan dagiti mangngalap ken masigurado ti umdas a suplay ti taraon iti baet ti agtultuloy a panagpangina ti presio ti langis.
-- ADVERTISEMENT --
