--Ads--
Inlawlawag ti Malakanyang nga agserbi laeng nga adviser ni Baguio City Mayor Benjamin Magalong iti Independent Commission for Infrastructure (ICI) ken saan isuna a miembro ti Komision.
Maipalagip a pinasingkedan ni Presidente Ferdinand Marcos Jr. nga awan ti pulitiko iti nabukel nga Independent Commission.
Segun ken ni Palace Press Officer Usec. Claire Castro, ti skills ken expertise ni Magalong a dati a PNP CIDG director ket isu ti maysa nga inkonsiderar tapno maala isuna nga special adviser.
Kiniddaw ti Malakanyang nga ikkan ti gundaway ni Magalong a mangipakita iti tattao iti panagserbina a mayataday iti interes ti publiko.
-- ADVERTISEMENT --
