--Ads--
Inimbitaran ti Commission on Elections iti opisinada ti nagviral a contestant ti beauty pageant iti maysa a noontime show gapu ta awan ti naisungbatna mainaig iti COMELEC numan pay adu ti ar-aramiden ti ahensia ita a 2025 midterm elections.
Segun iti contestant nga agtawen iti duapulo, saan unay nga agparparang iti social media account-na ti mainaig iti COMELEC.
Iti statement ni COMELEC Chairman George Erwin Garcia, kayatda nga ipakaammo ken ikkan impormasyon ti balasang mainaig kadagiti mandato ken ar-aramiden ti ahensia.
Bigbigen ni Garcia nga adda dadduma nga agtutubo ti saan pay a makaammo unay iti linaon ti COMELEC isu a napateg a mapapigsa ti voter’s education.
-- ADVERTISEMENT --
