P4.2 bilion ti nakailatang para iti baro a pasdek ti Senado iti 2025 national budget, a nangted iti total allocation iti structure a P23.5 bilion manipud idi 2018.
Ti pannakaibangon ti baro Senate building ket umawat iti binilion manipud iti General Appropriations Act (GAA) iti kada tawen.
Ti P4.2 bilion a badyet para iti 2025 para iti “Senate Relocation” ket mapan iti final works tapno makompleto ti Phase III ti New Senate Building nga addaan ti P4-billion; P209.76 million para iti final installment para iti panaggatang iti lote para iti relocation ti opisina ti Senado; P33.435 Million para iti maintenance ken dadduma pay a gastos iti operating.
Manamnama a malpas ti baro a pasdek ti Senado inton tawen 2027.
Maibasar iti kaudian a report ti Department of Public Works and Highways iti Senado, dimmanon iti P31.6 billion ti mapattapatta a gastos iti pasdek, saan pay a karaman ti bayad ti parcel ti daga ken furniture.
No maibasar iti Construction Cost Handbook Philippines 2024 ti Arcadis Philippines Incorporated, mabalin a dumanon iti P183,000 ti magastos iti per-square-meter ti de kalidad a high-rise office.
Inlawlawag ti report a dagitoy ket general industry guidelines ken saan nga espesipiko iti baro a pasdek ti Senado.
