VIGAN CITY – Nanayunan pay ti dua a baro a kaso iti covid-19 iti probinsia isu nga umaboten iti uppat a gasut uppat a pulo ket innem.
Ni IS-C445 ket lalaki, agtawen ti walopulo ket innem, Returning Resident nga agnaed idiay Brgy. Comillas North, Cervantes.
Naguyek ti pasyente ta extensive iti contacts-na ken high risk area iti exposurena ta adda iti travel history-na idiay Baguio City ken probinsia iti Benguet.
Lalaki met laeng ni IS-C446, agtawen ti limapulo ket maysa, APOR, negosyante nga agnaed idiay Brgy. Ayusan Sur, Vigan City.
Naggurigor, nagibleng, naguyek ken nagsakit ti bagbagi ti pasyente ta high risk area iti exposure-na ta adda iti travel history-na idiay probinsia iti Pampanga ken extensive iti nakapulapolna.
Gapu iti dayta ket manipod March 23 agingga April 6, 2021 ket maidalan iti Extreme Enhanced Community Quarantine (EECQ) iti naisakup a critical zone, Modified Enhanced Community Quarantine (MECQ) iti containment zone ken General Community Quarantine iti buffer zone.
