Nagsubli manen ti positibo a lebel ti inflation iti Bangsamoro Autonomous Region in Muslim Mindanao (BARMM) ta nairekord iti 1.3 a porsiento idi January 2026 kalpasan a bimmagsak iti deflation idi December.
Maibasar iti kaudian a listaan ti Philippine Statistics Authority (PSA) a nairuar idi February 13, bimmawi ti presyo manipod iti -1% a nairekord idi December, a kangrunaan a rason iti panangina ti presyo iti taraon.
No pay kasta ket agtaltalinaed dayta a nababa kumparar iti 1.7% idi January 2025 a mangipasimudaag nga adda pay laeng ti consumer spending iti rehiyon.
Mapatta-patta a 76% ti pakabuklan a panagpangato ket nagtaud iti food ken non-alcoholic beverages.
Nakita pay iti panagngina ti presyo ti ikan, prutas, manteka ken dadduma pay a produkto iti taraon.
No man pay nalaklaka ti presyo ti bagas kumparar idi napan a tawen ket bimmuntog iti panagbaba isu a nakanayon iti panagpangato iti inflation.
