Nabilin amin a regional ken deputy ministers karaman dagiti mangidaulo ti opisina ti Bangsamoro Autonomous Region in Muslim Mindanao (BARMM) nga agipasa ti courtesy resignation agingga June 30.
Inruar ni BARMM Chief Minister Abdulrauf Macacua ti bilin gapu ti serious ken grave complaints ke tapno mapasayaat ti panagserbi bayat ti critical phase iti transition period iti Bangsamoro region.
Mabalin a leppasen dagiti opisyal iti trabahoda aginga makadesisyon ni Macacua iti panagikkatda.
Dagiti opisyal nga agkedked wenno mapaay a sumurot iti bilin sakbay ti deadline ket maikkat latta.
Immunan a kinuna ni Macacua nga adda sumagmamano nga advocacy groups ken religious organizations iti nagreklamo mainiag iti mapapati a mismanagement kadagiti tallo agingga lima a BARMM ministries.
