VIGAN CITY – Maysa a lalaki nga agtawen duapulo ket lima ti pinaltogan ti maysa a senior citizen idiay Brgy. Naguimba, Banayoyo.
Nabigbig ti biktima a ni Mark Joshua Tomas ken ti suspek a ni Irenio Directo agtawen innem a pulo agpapada nga agnaed iti nasao a barangay.
Iti pannaki-uman ti Bombo Radyo Vigan kenni PLt. Melvin Trinidad, hepe ti Banayoyo Municipal Police Station, agiinom ti arak dagiti dua iti pagtaengan ti pamilya Tomas kadduada ni Willie Areola agtawen innem a pulo ket maysa.
Adda ti saan a panagkinnawatan dagiti dua ta inangaw ni Tomas ti suspek nga a gumatang pay iti inomen da nga arak ngem kinagura ni Directo nagresulta ti nabara nga argumento iso a nagawid ni Directo a napannagala ti paltogna nga improvised caliber 22 ket pinaltoganna ti biktima.
Nagasagaba iti dunor iti akin kannigid nga abagana iso a napan idiay Candon General Hospital para iti pannakatamingna ken boluntaryo a simmuko ti suspek kadagiti otoridad pakairamanan ti paltog a naaramat.
Kaso a frustrated murder ken panaglabsing ti comprehensive firearms and ammunition act wenno panaglabsing ti Republic Act 10591 kontra ti suspek.
