VIGAN CITY – Blangko pay laeng dagiti otoridad iti motibo ken kinatao dagiti suspek a nangpaltog idi alas nuwebe iti rabii idi April 13 ken ni Arthuro Aquino Alviar nga agtawen iti innem a pulo, barangay secretary ken agnaed idiay Lapting, San Juan a poon iti nakatayan na.
Segun ken ni Police Captain Jade Macaraeg, hepe ti San Juan municipal police station, naggapu ni Alviar iti pagtaengan da ket mapan kuma idiay barangay plaza idi pinaltugan dagiti suspek.
Nasarakan iti lima a basyo iti caliber 45 it nakapasamakan iti pammaltog nga isu iti mapapati nga inusar dagiti suspek.
Inbaga ni Macaraeg a ti lugar a nakapasamakan iti pammaltog ket nasipnget ken awan ti CCTV a mabalin a makatulong iti imbestigasyon isu a kidkiddawen da kadagiti posible a nakakita iti pasamak a makikinnammayet da kadakuada.
