VIGAN CITY – Inatendaran ni Gov. Ryan Singson ti Barangay Levelling Session nga idaulwan ti Department of Interior and Local Government kas paset ti agtultuloy a kampania ti probinsia a mangparmek kadagiti New People’s Army.
Pinasingkedan ni National Security Adviser Secretary Hermogenes Esperon Jr. a kasapulan ti panagtitinnulong dagiti tattao tapno saan a makastrek iti kagimungan dagiti terorista a grupo.
Naragsakan ni Gov. Singson ta awanen dagiti armado a grupo iti probinsia ket magun-oden ti linak ken talna kasta payen a pumigsa ti ekonomia ta umadu dagiti agpuunan ket namnamaenna ti panagdur-as ti probinsia.
Kabayatanna, pinasyaren ti gobernador kaduana da Vice Gov. Jerry Singson ken dagiti bokal ti probinsia ti dandanin a malpas a baro a Legislative Building ti provincial government ta 80 percent a nalpasen ti architectural-na ken 20 percent ti finishing-nan.
