VIGAN CITY – Kaso a Homicide iti posible a maipila kontra ti suspek a ni Barangay Kagawad Lowey Pacpaco gapu iti pannakatay ni Efren Pilot a mapapati a pinaltugan na idi rabii ti January 18 idiay Sagpat, Bantay.
Manipod iti kaso a Frustrated homicide ket posible a kaso a homicide iti maipila kontra ken ni Pacpaco gapu iti pannakatay ni Pilot kalpasan iti sumagmamano nga aldaw a pannakataming na gapu iti tama iti paltog iti pispis a sinagaba na ngem nakadepende iti desisyon ti piskalia.
Naipasan iti death certificate ti biktima ken dagiti dadduma pay a dokumento a kasapulan iti korte para iti kaso kontra ti barangay kagawad a kas pinasingkedan ni Police Maj. Nolly Salleng, hepe ti Bantay Municipal Police Station.
Maipalagip a napasamak iti pammaltog idi Enero 18 idiay Sagpat Bantay a nakatagbatan pay ti kabsat ni Efren a ni Pedro gapu ta impagarup ni Pacpaco nga isu iti probprobokaren da kaduada ti maysa a pay a kagawad ngem immarayat ti maysa pay a kabsat ni Efren a ni Marcelino nga isu iti nangala iti pannabas a pinangtagbat ni Pacpaco ken ni Pedro sa nagawid ket napan nangala iti paltog na sa na mapapati a pinaltugan ni Efren.
