--Ads--
VIGAN CITY – Maysa a bangkay ti saan pay a nabigbig a lalaki ti nakita a tumtumpaw iti kabaybayan ti Santiago, Ilocos Sur.
Ti lalaki ket nakasuot ti black maong pants, violet t-shirt, nagrupsan ti rupana ken bimsugen ti bagina.
Ni Rodel Valdez Pico, agtawen iti limapulo ket uppat, mangngalap a taga-Barangay Ambucao, Santiago ti nangipakaammo kadagiti pannakabagi ti linteg nga adda tumtumpaw a bangkay iti kabaybayan nga innem a milya ti kaadayona manipud iti igid ti baybay.
Agawidda koman kadagiti kaduana a mangngalap idi nakitana ti bangkay a nakapakleb a tumtumpaw iti baybay.
-- ADVERTISEMENT --
Nangiwayat ti Santiago Police Station kaduada ti Maritime and Coast Guard iti retrieval operation babaen iti tulong dagiti mangngalap iti nasao a barangay.
